### Ujeeddada Jagada
Ujeeddada jagadani waa in la xoojiyo bixinta adeegyada tallaalka iyo in carruurta ka yar shan sano iyo haweenka u qalma tallaalka ay si caddaalad ah u helaan tallaallada naf-badbaadinta ah, iyadoo la adeegsanayo adeegyada tallaalka joogtada ah iyo kuwa bulshada loo fidiyo. Sarkaalka wuxuu mas’uul ka noqon doonaa ururinta, hubinta, falanqaynta iyo soo gudbinta xogta tallaalka waqtigeeda, la socodka tilmaamayaasha muhiimka ah ee waxqabadka, iyo taageeridda go’aan-qaadashada ku saleysan xogta ee heer xarun caafimaad iyo heer degmo. Sidoo kale, wuxuu gacan ka geysan doonaa kordhinta daboolista tallaalka, yareynta carruurta aan helin wax tallaal ah (zero-dose) iyo kuwa aan si buuxda loo tallaalin, ka hortagga cudurrada tallaalku ka hortagi karo, iyo xoojinta waxqabadka iyo adkeysiga nidaamka tallaalka ee degmooyinka la beegsanayo.
### Mas’uuliyadaha Muhiimka ah
**1. Isku-duwidda Mashruuca, Hoggaaminta iyo Iskaashiga:**
Wuxuu isku-duwi doonaa oo taageeri doonaa adeegyada tallaalka joogtada ah iyo hawlaha outreach-ka ee degmooyinka Baydhabo, Buurhakaba iyo Diinsoor. Wuxuu si dhow ula shaqeyn doonaa Wasaaradda Caafimaadka, kooxaha caafimaadka degmooyinka, xarumaha caafimaadka iyo hay’adaha fulinaya mashruuca. Wuxuu taageeri doonaa diyaarinta iyo cusboonaysiinta qorshayaasha microplanning-ka, wuxuu sameyn doonaa kormeerro joogto ah oo lagu qiimeynayo tayada adeegyada iyo u hoggaansanaanta heerarka EPI, wuxuuna hubin doonaa hirgelinta siyaasadaha iyo tilmaamaha qaranka ee EPI iyo shuruudaha deeq-bixiyeyaasha. Wuxuu sidoo kale la socon doonaa horumarka mashruuca, soo jeedin doonaa tallaabooyin sixid ah marka ay jiraan daldaloolo, kana qeybqaadan doonaa shirarka isku-duwidda heer degmo iyo dowlad-goboleed.
**2. Maareynta Xogta, Kormeerka iyo Warbixinta:**
Wuxuu hirgelin doonaa nidaamka OGOW, ururin, isku-geyn, xaqiijin iyo falanqeyn doonaa xogta tallaalka ee xarumaha caafimaadka. Wuxuu la socon doonaa tilmaamayaasha sida Penta-1, Penta-3, Measles, FIC, dropout rate iyo carruurta zero-dose-ka ah. Wuxuu hubin doonaa in warbixinnada toddobaadlaha, billaha, saddex-billoodlaha iyo sannadlaha ah lagu gudbiyo waqtigooda, wuxuuna sameyn doonaa qiimeynta tayada xogta isagoo la shaqeynaya kooxda MEAL iyo shaqaalaha caafimaadka. Sidoo kale wuxuu diiwaangelin doonaa oo faafin doonaa hab-dhaqannada wanaagsan, casharrada laga bartay iyo sheekooyinka guusha.
**3. Sahayda Tallaalka iyo Cold Chain-ka:**
Wuxuu la socon doonaa helitaanka tallaallada iyo heerka kaydka xarumaha caafimaadka, isagoo taageeraya saadaalinta baahida, dalabka, qaybinta iyo isla-xisaabtanka tallaallada iyo agabka kale. Wuxuu kormeeri doonaa shaqeynta qalabka cold chain-ka iyo heerkulka lagu kaydiyo tallaallada, wuxuuna hubin doonaa in tallaallada si sax ah loo kaydiyo, loo maareeyo, loo raro loona diiwaangeliyo. Wuxuu sidoo kale la socon doonaa isticmaalka tallaalka, khasaaraha (wastage), xaaladda kaydka, isla markaana si degdeg ah uga warbixin doonaa tallaal la’aanta, ciladaha cold chain-ka iyo caqabadaha sahayda.
**4. Ka-qaybgelinta Bulshada iyo Kordhinta Baahida Tallaalka:**
Wuxuu taageeri doonaa abaabulka iyo wacyigelinta bulshada si loo kordhiyo qaadashada tallaalka loona yareeyo shakiga ama diidmada tallaalka. Wuxuu la shaqeyn doonaa shaqaalaha caafimaadka bulshada, hoggaamiyeyaasha deegaanka, kooxaha haweenka iyo hoggaamiyeyaasha diinta. Wuxuu isku-duwi doonaa raadinta iyo dabagalka carruurta ka baaqsata tallaallada, wuxuuna aqoonsan doonaa caqabadaha hortaagan helitaanka adeegyada tallaalka iyo soo jeedinta xalal ku habboon deegaanka.
**5. Tababar iyo Taageero Farsamo:**
Wuxuu tababari doonaa oo hagayaa shaqaalaha caafimaadka, gaar ahaan bixinta adeegyada EPI, maaraynta tallaallada, diiwaangelinta xogta, warbixinta iyo kormeerka. Wuxuu taageeri doonaa tababarka shaqaalaha cusub iyo kooxaha outreach-ka, wuxuuna qaban doonaa on-the-job coaching iyo supportive supervision si loo hagaajiyo tayada adeegyada. Wuxuu aqoonsan doonaa baahiyaha xirfadeed ee shaqaalaha, diyaarin doonaa qorshayaal horumarineed, kana qeybqaadan doonaa qiimeynaha, sahannada iyo dib-u-eegista farsamo ee la xiriira mashaariicda tallaalka.
Wuxuu sidoo kale qaban doonaa **hawlo kale oo shaqo oo la xiriira mashruuca** oo uu u xilsaaro Isku-duwaha Mashruuca ama Maareeyaha Caafimaadka iyo Nafaqada.