Taariikh nololeedka Agaasimaha Guud — maamul-wanaagga, dowlad-dhiska, doorashooyinka 2021, iyo khibradda Qaramada Midoobay.
Agaasimaha Guud ee Wasaaradda Arrimaha Gudaha, Federaalka iyo Dib-u-heshiisiinta
Mudane: Cabdulqaadir Cilmi Cali
Cabdulqaadir Cilmi Cali waa Agaasimaha Guud ee Wasaaradda Arrimaha Gudaha, Federaalka iyo Dib-u-heshiisiinta ee Dowladda Federaalka Soomaaliya. Waa khabiir dhinacyada maamul-wanaagga, dowlad-dhiska, dib-u-habeynta hay’adaha, iyo horumarinta.
Xilkan ka hor, wuxuu soo noqday Agaasimaha Guud ee Hay’adda Socdaalka iyo Jinsiyadda iyo Isuduwaha Guud ee Doorashooyinka ee Xafiiska Ra’iisul Wasaaraha, isagoo door muuqda ka qaatay hoggaaminta nidaamyada qaran, isuduwidda, iyo hirgelinta guusha leh ee doorashooyinkii Soomaaliya ee 2021.
Sidoo kale, wuxuu leeyahay in ka badan 10 sano oo khibrad ah oo uu la soo shaqeeyay Qaramada Midoobay ee Bariga iyo Geeska Afrika. Wuxuu haystaa shahaadooyin sare oo dhowr ah, waana musharrax u yahay PhD Xiriirka Caalamiga ah; wuxuu kale oo haystaa shahaadooyin sare oo waxtar u leh waajibaadka Wasaaradda ee xoojinta federaalka, dib-u-heshiisiinta, iyo howlaha kale ee hortabinta leh.