Waaxda Sharciyada iyo heshiisyada
- Waaxda Sharciyada iyo Heshiisyadu waa qayb muhiim ah oo ka mid ah Wasaaradda, maadaama ay hubiso in dhammaan Sharciyadda, Siyaasadaha heshiisyada, qandaraasyada iyo go’aanada Wasaaradda ay waafaqsan yihiin shuruucda dalka iyo heerarka caalamiga ah , sidoo kale waaxda waxay qaabilsan tahay :- a) Waaxda Sharciyada waa qayb muhiim ah oo ka mid ah hay’ad kasta, maadaama ay ilaaliso hufnaanta sharci iyo waafaqsanaanta howlaha hay’adda. Doorkeeda ugu weyn ayaa ah in la hubiyo in dhammaan hawlaha, heshiisyada iyo qandaraasyada hay’addu ay waafaqsan yihiin shuruucda dalka iyo kuwa caalamiga ah, taasoo ka ilaalinaysa hay’adda khilaafaadka sharci iyo mas’uuliyad sharci. Iyada oo dib u eegis, diyaarinta iyo ansixinta heshiisyada lagu sameeyo,
- Bixinta talo sharciyeed oo ay siisaa Madaxda Wasaaradda iyo Hay`adaha hoos yimaada, si loo hubiyo in go`aanada howlaha ay waafaqsan yihii shuruucda dalka iyo kuwa caalamiga.
- Diyaarinta iyo dabgalka sharciyada, Xeerarka & heshiisyada ay ku shaqeeyaan waaxyaha Wasaaradda, Hay`adaha iyo guddiyada hoos yimaada.
- Maareeynta heshiisyada caalamiga & Gudaha iyo fasiraadda, higelinta heshiisyadaas sare ku xusa.
- Intaa waxaa dheer, Waaxda Sharciyada waxay siisaa Madaxda talo sharci oo muhiim ah, taasoo ka caawisa in go’aan kasta oo la qaato uu noqdo mid sharciyan sax ah isla markaana waafaqsan siyaasadaha hay’adda. Doorkan talo bixinta ah wuxuu ka hortagaa khilaafaadka, wuxuuna xoojiyaa hufnaanta maamulka iyo waxtarka howlaha maalinlaha ah.
- Sidoo kale, waaxdu waxay kor u qaadaa isla xisaabtanka, hufnaanta iyo kalsoonida bulshada, iyadoo ka hortagta musuqmaasuqa, ficillada sharcidarrada ah iyo khataraha kale ee saameyn kara sumcadda Wasaaradda. Waxay sidoo kale ilaalisaa dukumiintiyada sharci iyo habraacyada maamulka, taasoo ka caawisa go’aan qaadashada xog-ogaal ah iyo fulinta howlaha si nidaamsan.
- Waaxda Sharciyada waa tiir lagama maarmaan u ah ilaalinta sharciga iyo kor u qaadista maamulka hufan, iyo dhisidda kalsoonida bulshada iyo dhinacyada kale ee la macaamila Wasaaradda. Iyadoo bixisa la-talinta sharci, kormeerka waafaqsanaanta iyo ilaalinta heshiisyada.