Taariikhda Wasiirka Arrimaha Gudaha
Wasiirka cusub ee Wasaaradda Arrimaha Gudaha, Federaalka iyo Dib u heshiisiinta XFS mudane Cali Yuusuf Cali(Xoosh) ayaa xilka la wareegay
Mudane Wasiir Cali Xoosh waxaa uu leeyahay khibrad in ka badan 30 sano oo la xiriirta; Dowlad-dhiska, Arrimaha Gudaha, Amniga, Dib u heshiisiinta, Qorsheynta, Howlaha guud iyo Dib u dejinta.
Wasiir Cali Yuusuf Xoosh, waxaa uu Wasiir kuxigeen kasoo noqday Wasaaradaha Arrimaha Gudaha iyo Amniga ee dowlad goboleedka Soomaaliyeed ee Puntland, waxaa kale oo uu aqoon fiican u leeyahay qaran dhiska heerarka kala duwan ee dowladda.
9-kii sano ee ugu dambeysay, mudane Cali Yuusuf Cali(Xoosh) waxaa uu xubin ka ahaa Aqalka Golaha Shacabka ee Baarlamaannada 10-aad iyo 11-aad ee Federaalka ah, isaga oo khibradahaasi kala duwan uga faa’ideyn doona hoggaaminta Wasaaradda Arrimaha Gudaha, Federaalka iyo Dib u heshiisiinta iyo ka mirodhalinta howlaha hortabinta u leh.
Muddada dheer ee wasiirka uu u soo shaqeeyey qaranka, waxaa jagooyinka uu qabtay ka mid ah:
- Wasiir kuxigeen Wasaaradaha Arrimaha Gudaha Puntland.
- Wasiir kuxigeen Wasaaradaha Amniga Puntland.
- Xildhibaan ka tirsan golaha shacabka ee baarlamaanka federaalka ah ee 10-aad iyo 11aad.
Mudane Wasiir Cali Xoosh, hadda waa Wasiirka Wasaaradda Arrimaha Gudaha, Fedeeraalka iyo Dib u Heshiisiinta,oo ah hooyada wasaaradaha, soona jirtay tan iyo 1956-dii.