Muqdisho Luulyo13, 2023; Wasiiru dowlaha Cusub ee Wasaaradda Arrimaha Gudaha, Federaalka iyo Dib-u-heshiisiinta XFS Mudane H.E Sadad Mohmednur Aliyow, ayaa si rasmi ah ula wareegay Xilka Wasiiru Dowlaha Wasaaradda Arrimaha Gudaha, Federaalka iyo Dib-u-heshiisiinta XFS oo dhawaan usoo magacaabay Raysal wasaaraha Xukuumadda Federaalka Soomaaliya Mudane Xamsa Cabdi Barre.
Munaasabadda Xil wareejinta ee Wasiiru Dowlaha Wasaaradda Arrimaha Gudaha, Federaalka iyo Dib-u-heshiisiinta XFS ayaa waxaa Goobjoog ka ahaa Madaxda Sare ee Wasaaradda Arrimaha Gudaha oo ay ka mid yihiin Wasiirka Wasaaradda, Agaasimaha Guud ee Wasaaradda, Agaasimayaasha Waaxyaha Wasaaradda iyo La-taliyayaasha Wasaaradda.
Wasiiru Dowlaha Cusub ee Wasaaradda Arrimaha Gudaha, Federaalka iyo Dib-u-heshiisiinta XFS Mudane H.E Sadad Mohmednur Aliyow, oo munaasabadda xilwareejinta ka hadlay ayaa ballan qaaday in uu waajibkiisa qaran u gudan doono si daacadnimo ah oo waafaqsan dastuurka dalka iyo shuruucda Wasaaradda Arrimaha Gudaha, Federaalka iyo Dib-u-heshiisiinta XFS.
Ugu Dambayn, Wasiirka Wasaaradda Arrimaha Gudaha, Federaalka iyo Dib-u-heshiisiinta XFS Mudane Axmed Macallim Fiqi oo munaasabadda xil wareejinta ka hadlay ayaa kula dardaarmay Wasiiru Dowlaha cusub ee Wasaaradda in u guto waajibkiisa Qaran.
