- October 27, 2025
- Posted by: Abdiladiif Ali
- Categories: Banaadir, Kulamada, Wararka
Muqdisho 27 Oct 2025; Wasiirka Wasaaradda Arrimaha Gudaha, Federaalka iyo Dib u heshiisiinta XFS Xildhibaan Cali Yuusuf Cali (Xoosh) ayaa Guddoomiyay Kulankii Koowaad ee Guddiga Sare ee Mashruuca SINNAAN.
Mashruuca SINAAN ujeedadiisu guud waa: Magaalooyinka Soomaaliyeed oo adkaysi u leh isbeddelka cimilada si wanaagsanna u diyaarsan si ay uga jawaabaan baahiyaha dadweynaha, ugana faa’iidaystaan fursadaha magaaloobidda, isla markaana ay u abuuraan fursado horumarineed oo cagaaran oo gacan ka geysta yaraynta saboolnimada iyo xasillinta dalka.
Wasiirka Arrimaha Gudaha Soomaaliya mudane Cali Xoosh oo madasha ka hadlay ayaa xusay in qorshaha mashruucani yahay mid socon doona 5-ta sano ee soo socota isaga oo intaa raaciyey in wejiga hore ka shaqayn doonaa qaar ka mid ah magaalooyinka waaweyn ee dalka, lana rajeynayo inay sii kordhi doonaan magaalooyinka uu mashruucu ka shaqayn doono.
