- October 19, 2025
- Posted by: Abdiladiif Ali
- Categories: Banaadir, Kulamada, Wararka
Muqdisho 19 Oct 2025; Wasiirka Wasaaradda Arrimaha Gudaha, Federaalka Iyo Dib-u-heshiisiinta XFS Xildhibaan Cali Yuusuf Cali (Xoosh) ayaa ka qaybgalay Munaasabadda Shaacinta Xogta Liiska Kumeel-gaarka Ah Ee Diiwaangalinta Codbixiyayaasha Gobolka Banaadir.
Munaasabadda oo ay soo qabanqaabiyeen Guddiga Madaxabannaan Ee Doorashooyinka Qaranka Iyo Soohdimaha ayaa lagu soo bandhigay tirada Codbixiyayaasha ee laga diwaangaliyay Gobolka Banaadir taas oo tiradoodu tahay 923,220 muwadin.
Wasiirka Wasaaradda Arrimaha Gudaha XFS Xildhibaan Cali Xoosh oo ka hadlay Munaasabadda ayaa bogaadiyay muwaadiniinta isdiwaangeliyay, ururrada siyaasadda dalka iyo Guddiga Madaxabannaan ee Doorashooyinka Qaranka iyo Sohdimaha. Sidoo kale Wasiir Cali Xoosh ayaa ugu baaqay muwaadiniinta ku nool guud ahaan dalka in ay isdiwaangeliyaan si ay qaybgalaan doorashooyinka qod iyo cod.
