Wasiir Ashkir Oo Warbixin Siiyay Guddiga Arrimaha Gudaha Ee Aqalka Sare

Muqdisho 21 Oct 2025; Wasiir Kuxigeenka Wasaaradda Arrimaha Gudaha, Federaalka iyo Dib u heshiisiinta XFS mudane Cabdixakiim Xasan Ashkir oo ay wehliyaan Agaasimaha Guuud ee Wasaaradda mudane Caydaruus Macallin Xasan iyo xubno kale ayaa xarunta Aqalka sare ee Baarlamaanka Federaalka ah ee Soomaaliya kula kulmay Guddiga Arrimaha Gudaha, Dib u Heshiisiinta, Arrimaha Federaalka iyo Xiriirka Dowladaha Xubnaha ka ah Dowladda Federaalka Soomaaliya oo ay hoggaamineysay guddoomisay Guddoomiyaha Guddiga, Sanatar Deeqa Xasan Xuseen.

Kulanka ayaa la xuriiray Sharciga Barakacayaasha Gudaha ee Soomaaliya, isla markaana masuuliyiinta Wasaaradda ayaa laga codsaday in ay bixiyaan faahfaahin iyo fasiraad dheeraad ah oo ku saabsan qodobada sharcigaas, iyo sidoo kale in ay ka jawaabaan su’aalo iyo talooyin ay xubnaha Guddiga ka keeneen sharciga Barakayasha.

Inta lagu guda jiray kulanka, Wasiir Ku-xigeenka iyo wafdigiisa ayaa si mid mid ah uga jawaabay dhammaan su’aalihii iyo faahfaahinta dheeraadka ah ee ay xubnaha Guddigu uga baahdeen sharciga Barakayaasha Gudaha.

Ugu dambayn, Guddoomiyaha Guddiga, Sanatar Deeqa Xasan Xuseen, ayaa uga mahadcelisay masuuliyiinta Wasaaradda sida wanaagsan oo ay uga jawaabeen su’aalihii iyo qodobbadii ay Guddigu ka doonayeen caddeyn dheeraad ah, iyadoo sheegtay in wadashaqeynta noocan ahi ay muhiim u tahay horumarinta iyo hirgelinta shuruucda dalka.