Wasiir Cali Xoosh Oo Ka Qeybgalay Shirweynaha U Adkeysiga Aafooyinka Soomaaliya

Muqdisho 22 Oct 2025; Wasiirka Wasaaradda Arrimaha Gudaha, Federaalka Iyo Dib-u-heshiisiinta XFS Xildhibaan Cali Yuusuf Cali (Xoosh) ayaa ka qaybgalay Meertada Labaad ee Shirweynaha U Adkeysiga Aafooyinka Ee Soomaaliya oo ay soo qabanqaabisay Hay’adda SODMA.

Wasiir Cali Xoosh oo khudbad kooban madasha kajeediyey ayaa ku dheeraaday muhiimadda Shirweynaha isaga oo yiri” Shirkaani wuxuu fursad muhiim ah u yahay cilmi-baareyaasha Soomaaliyeed, hay’adaha dowladda, kuwa ka shaqeeya arrimaha bani’adanimada ,iyo jaamacadahaba si ay u helaan , aqoon iyo hal abuur cusub ee ku salaysan hanaanka yaraynta khatarah Musiibooyinka.”

Wasiirka Arrimaha Gudaha Soomaaliya mudane Xoosh oo sidoo kale ka hadlay Cilmibaarista wuxuu yiri” Cilmi-baaristu waa saldhigga ugu muhiimsan ee maamul wax-ku-ool ahi uu ku howl galo, waxaane ogsoonahay, iyadoo aanan la helin xog lagu kalsoonaan karo oo ku dhisan cilmi-baarisyo maxalli ah, iyo falanqayn cilmiyeysan, dadaal kasto oo lagu bixiyo ka jawaabista khataraha Musiibooyinka wuxuu noqonayaa, mid miro dhal waara laheyn.”

Ugu Dambeyn, Wasiirka Arrimaha Gudaha XFS Xildhibaan Cali Xoosh ayaa u mahadceliyay howlwadeennada ka shaqeeyay Shirweynaha” Waxaane si gaar ah u ammaanayaa hawl-wadeenada, khubarada, iyo kooxaha farsamada ee ka shaqeeyay diyaarinta shirkan, si loo gaaro hadafka guud ee ah kor u qaadidda cilmi-baarista iyo fahamka khataraha masiibooyinka ee Soomaaliya.”