𝐤𝐮𝐥𝐚𝐧𝐤𝐚 𝐟𝐚𝐫𝐬𝐚𝐦𝐨 𝐞𝐞 𝐃𝐢𝐛 𝐮 𝐞𝐞𝐠𝐢𝐬𝐭𝐚 𝐇𝐚𝐧𝐚𝐚𝐧𝐤𝐚 𝐃𝐡𝐚𝐛 𝐮 𝐡𝐞𝐬𝐡𝐢𝐢𝐬𝐢𝐢𝐧𝐭𝐚 𝐪𝐚𝐫𝐚𝐧.

Kulankan oo socon doona muddo shan cisho ah ayaa waxaa kasoo qeybgalay Xafiisyada Madaxweynaha, Ra’isul Wasaaraha, Iyo qaybaha Bulshada rayidka ah.

Agaasimaha Guud ee Wasaaradda Arrimaha Gudaha, Federaalka iyo Dib-u-heshiisiinta XFS Mudane Aidarus M Hassan oo ugu horreyn furay shirka ayaa ka hadlay ujeedka iyo ahmiyadda Kulanka Farsamo ee Dib-u-eegista Qorshaha Hannaanka Dhab u heshiisiinta Qaran isaga oo kaqeygalayaasha ku booriyey in lagu dadaalo sidii loo heli lahaa natiijo wadar ogol ah.

Dhankiisa, Agaasimaha waaxda Dib u heshisiinta ee Wasaarada Arrimaha gudaha Federaalka iyo dib u heshisiinta mudane Cabdirahmaan Xaashi Faarax oo isna ka hadlay kulanka ayaa sharaxay ujeedooyinka Laga leeyahay kulanka isaga oo soo qaatay qodobbo ay ka mid yihiin:

Mas’uuliyiinta kulanka ka hadashay waxaa kale oo ka mid ahaa Lataliyaha Arrimaha Dib u Heshiisiinta ee xafiiska Ra’iisul wasaaraha Cali Cabdi Awaare isaga oo sheegay in ay muhiim tahay in hannaankan lagu soo daro isbedelka cimillada iyo arrimaha xagjirka.

Agaasimaha Arrimaha Bulshada Madaxtooyada Maxamed Aadan Dugoow ayaa dhankiisa xusay muhiimadda ay leedahay Dhab u heshisiinta dadka Soomaaliyeed iyo sida baahi degdeg ah loogu qabo heshiis bulsho, arrimahaas oo wax weyn ka tari doona horumarka.

Cismaan Muxidiin Shaatax, Guddoomiyaha Ururrada Bulshada rayidka oo isna ka hadlay Kulanka Farsamo ee Dib-u-eegista Qorshaha Hannaanka Dhab u heshiisiinta Qaran ayaa sheegay in dib u eegistan wax badan lagu soo kordhiyey oo muhiim ah, isaga oo ammaanay sida ahmiyadda loo siinayo in wax lagu kordhiyo.

𝐃𝐚𝐚𝐰𝐨: 𝐊𝐡𝐮𝐝𝐛𝐚𝐝𝐝𝐚 𝐀𝐠𝐚𝐚𝐬𝐢𝐦𝐚𝐡𝐚 𝐆𝐮𝐮𝐝 𝐞𝐞 𝐖𝐚𝐬𝐚𝐚𝐫𝐚𝐝𝐝𝐚 𝐀𝐫𝐫𝐢𝐦𝐚𝐡𝐚 𝐆𝐮𝐝𝐚𝐡𝐚, 𝐌𝐮𝐝𝐚𝐧𝐞 Aidarus M Hassan 𝐞𝐞 𝐤𝐮𝐥𝐚𝐧𝐤𝐚 𝐟𝐚𝐫𝐬𝐚𝐦𝐨 𝐞𝐞 𝐃𝐢𝐛 𝐮 𝐞𝐞𝐠𝐢𝐬𝐭𝐚 𝐇𝐚𝐧𝐚𝐚𝐧𝐤𝐚 𝐃𝐡𝐚𝐛 𝐮 𝐡𝐞𝐬𝐡𝐢𝐢𝐬𝐢𝐢𝐧𝐭𝐚 𝐐𝐚𝐫𝐚𝐧.  https://fb.watch/i3Gjntjgsp/