Kulanka Wasaaradda Iyo Bulshada Raydka Ah

Muqdisho 18 Oct 2025; Wasaaradda Arrimaha Gudaha, Dib-u-heshiisiinta iyo Arrimaha Federaalka ee Dowladda Federaalka Soomaaliya, gaar ahaan Waaxda Dimuqraadiyeynta iyo Dowlad-wanaagga, ayaa maanta kulan muhiim ah la yeelatay Xafiiska Bulshada Rayidka Soomaaliyeed ee SONSA.

Kulanka ayaa diiradda lagu saaray xoojinta iskaashiga u dhexeeya Wasaaradda iyo bulshada rayidka, si loo hormariyo dimuqraadiyadda, ka qaybgalka bulshada, iyo hufnaanta hay’adaha dawladda.

Sidoo kale, waxaa lagu falanqeeyay Qorshaha Istaraatijiyadeed ee shanta sano ee soo socota ee waaxda, iyadoo la isweydaarsaday aragtiyo ku saabsan doorka bulshada rayidka ee ku aaddan kor u qaadista dimoqraadiyeynta iyo dhisidda maamul-wanaagga daahfuran.

Kulanka waxaa Gudoomiyay Agaasimaha Waaxda Dimuqraadiyeynta iyo Dowlad-wanaagga ee Wasaaradda, Mudane Luqman Sheikh Mohamed oo xusay muhiimadda ay leedahay wadashaqeynta joogtada ah ee u dhaxaysa Wasaaradda iyo bulshada rayidka, si loo xaqiijiyo nidaam dowladnimo ku dhisan isla xisaabtan.