- October 18, 2025
- Posted by: Abdiladiif Ali
- Categories: Banaadir, Kulamada, Wararka
No Comments
Muqdihso 18 Oct 2025; Wasiirka Wasaaradda Arrimaha Gudaha, Federaalka Iyo Dib-u-heshiisiinta XFS Xildhibaan Cali Yuusuf Cali (Xoosh) ayaa kormeeray xarunta dhexe ee Wasaaradda ee degmada Boondheere, xaruntaasi oo haatan dib u dhiskeedu marayo heer gebogabo ah.
Mudane wasiir Xoosh oo uu wehliyey Wasiir dowlaha Wasaaradda mudane Saadaad Maxamednuur Caliyow ayaa soo indho-indheeyey howsha dhismaha isaga oo Injineerrada iyo howlwadeennada kale ee ka shaqaynaya mashruuca dhismaha ka dhageystay warbixin la xiriirta shaqada socota iyo inta dhiman.
Dhankiisa, Wasiir Cali Xoosh ayaa faray in la dardargaliyo howsha dhismaha si ay dhawaan ugu howlgasho Wasaaradda, isla maarkana loogu adeego qaranka.
