Muqdisho, 17 Feb 2024; Agaasinka Guud ee Adeegyada Dad-Dhigidda iyo Tirakoobka Xaaladaha Madaniga ah ee Wasaaradda Arrimaha Gudaha, Federaalka iyo Dib-u-heshiisiinta XFS ayaa magaalada Muqdisho ee Caasimadda Soomaaliya ku qabtay Kulanka Koox Howleedka qaran ee Dad Dhigidda iyo Tirakoobka Xaaladaha Madaniga ah.
Kulankaan oo ah mid Seddex-Billa ah ayaa looga arrinsaday waxyaabaha ka qabsoomay qorshihii sadexda bilood ee tagtay, caqabadaha iyo fursadaha soo kordhay iyo jaangoynta qorshaha sadexda bil ee nagu soo wajahan.
Kulanka ayaa waxaa ka qaybgalay wakiillo ka kala matalayay Wasaaradaha iyo Hay’adaha Dowladda ee Heer Federaal oo ay shaqadoodu la xiriirta arrimaha Dad-Dhigidda, Wasaaradaha Arrimaha Gudaha Dowlad Goboleedyada iyo Maamulka Gobolka Banaadir.
