Muqdisho 19-20 Nov 2023; Wasiirka Wasaaradda Arrimaha Gudaha, Federaalka iyo Dib-u-heshiisiinta XFS Mudane Axmed Macallin Fiqi ayaa daahfuray 𝐊𝐮𝐥𝐚𝐧 𝐖𝐚𝐝𝐚𝐭𝐚𝐬𝐡𝐢 𝐢𝐲𝐨 𝐅𝐚𝐚𝐡𝐟𝐚𝐚𝐡𝐢𝐧 𝐠𝐞𝐞𝐝𝐢 𝐬𝐨𝐜𝐨𝐝𝐤𝐚 𝐡𝐚𝐧𝐧𝐚𝐚𝐧𝐤𝐚 𝐝𝐨𝐨𝐫𝐚𝐬𝐡𝐨𝐨𝐲𝐢𝐧𝐤𝐚 𝐉𝐚𝐦𝐡𝐮𝐮𝐫𝐢𝐲𝐚𝐝𝐝𝐚 𝐅𝐞𝐝𝐞𝐫𝐚𝐚𝐥𝐤𝐚 𝐚𝐡 𝐞𝐞 𝐒𝐨𝐨𝐦𝐚𝐚𝐥𝐢𝐲𝐚 (𝐇𝐞𝐬𝐡𝐢𝐢𝐬𝐤𝐚 𝐆𝐖𝐐) 𝐞𝐞 𝐌𝐚𝐲 𝟐𝟎𝟐𝟑.
❞Hoggaanka dalka Soomaaliya waxaa ay bishii May gaareen heshiis taariikhi ah oo ku saabsan arrin soo taagnayd oo ahayd in laga raro dalka doorasho dadban, oo loo guuro qof iyo cod ❞ ayaa ka mid ahaa kelmadda Wasiirka.
Mudane Axmed Macallin Fiqi, Wasiirka Arrimaha Gudaha ayaa kaqeybgalayaasha ku booriyay in ay wax ku biiriyaan wadatashiga isaga yiri, ❞ Maanta wax ku daristiinna wadatashiga waa muhiim, sanadihii dambe heerka doorashada hoos u dhac ayaa jiray. marka si looga baxo, waa in aan xoog isugu geyno in la saxo, oo dalka loo jiheeyo doorasho qof iyo cod ah ❞.
Sidoo kale Munaasabadda waxaa laga soo jeediyay Warbixinno iyo Doodo Cilmiyeed ku aaddan faahfaahinta Heshiiska Hannaanka Doorashooyinka Jamhuuriyadda Federaalka Soomaaliya ee May 2023.
Sidoo kale, Maalinta ee kulanka ayaa waxaa ka qaybgalay Saaaxibada Caalamiga ee Soomaaliya ka taageeraa dhanka Dowlad Dhiska iyo Dimuqraadiyadeynta, waxaana halkaasi ka hadlay Masuuliyiin ka kala socda Dowladda.
” Lataliyaha Madaxweynaha Soomaaliya ee Arrimaha Dib u heshiisiinta mudane Dr. Cabdiraxmaan Cabdullahi Baadiyow oo ka halday madasha ayaa yiri “54 sano ayaa kasoo wareegtay doorashadii ugu dambeysay Soomaaliya ee qof iyo cod Dimoqoraadi ah oo tartan loo galay
Ugu Dambayn, Mudane Wasiirka Wasaaradda Arrimaha Gudaha, Federaalka iyo Dib-u-heshiisiinta XFS Mudane Axmed Macallin Fiqi ka hadlay kulanka ayaa sharraxay ahmiyadda heshiiskii doorashada isaga oo ka yiri “Soomaaliya waxaa ay ku asteysan tahay madaxweynihii ugu horeeyay oo laga guulaysatay oo xilka iska dhiibay, taariikhdaas qiimaha badan ayaan leenahay, waxaa ay hoggaanka dowladda federaalka ah iyo dowlad goboleedyada go’aansadeen in aan lagusii jiri karin doorashooyin umadda kala qeybinaya oo aan loo sinnayn, oo qofka Soomaaliga ah lagu xadgudbo, waxaan la go’aansaday in nidaamka caalamiga ah la qaato”.
Dhanka kale mudane Axmed Fiqi waxaa uu xusay sida matalaadda loogu celiyay shacabka “23 sano ayaa lagu jiray xulasho oo odeyaal iyo ergo ah, hadda nidaamakan doorasho waa mid dadka lagu doorto ay kalsooni ka heystaan oo matali kara bulshada” ayuu hadalkiisa kusoo gabogabeeyay.
