Muqdisho 18 Nov 203; Shir degdeg ah oo Golaha Wasiirrada XFS ay caawa yeesheen ayaa lagu meelmaroyay Hindise Sharciyeedka Dad-dhigidda iyo Tirakoobka Xaaladaha Madaniga ah.
Wasiirka Wasaaradda Arrimaha Gudaha, Federaalka iyo Dib-u-heshiisiinta XFS Mudane Axmed Macallim Fiqi ayaa horreyn uga mahadceliyay Golaha Wasiiradda XFS meelmarinta Hindise sharciyeedka Dad-dhigidda iyo Tirakoobka Xaaladaha Madaniga ah.
Mudane Axmed Fiqi, Wasiirka Arrimaha Gudaha ee Soomaaliya ayaa dhanka kale ku tilmaamay tallaabada ansixinta Hindisaha-sharci ay qeyb ka tahay dadaalka xooggan oo ay Dowladda Soomaaliya ku bixinayso in shacabku ku helaan deegaannadooda adeegyada kala duwan ee dad-dhigista si dhib yar.
