Muqdisho, 21 Oct 2023, Wasaaradda Arrimaha Gudaha, Federaalka iyo Dib-u-heshiisiinta XFS oo kaashanaysaa (African Center for Statistics – United Nations Economic Commission for Africa) ayaa soo gabagabaysay tababbar ku saabsan diyaarinta Istaraatijiyada Qaran ee dib-u-dhiska iyo hirgelinta nidaamka iyo adeegga dad-dhigista Dalka.
Tababbarkaan oo ay qayb ka ahaayeen Wasaaradda Caafimaadka iyo Daryeelka Bulshada ee XFS, isu-duwayaasha dad-dhigista ee Wasaaradaha Arrimaha Gudaha ee Dowlad Goboleedyada iyo Agaasimaha dad-dhigista Maamulka Gobolka Banaadir ayaa diiradda lagu saaray dejinta Istaraatijad Qaran oo lagu gaari karo helidda adeeg dad-dhigis oo hagaagsan la iskuna hallayn karo.
Agaasimaha Diiwaangelinta Madaniga ee Wasaaradda Arrimaha Gudaha Federaalka iyo Dib u heshiisiinta Cabdiqani Maxamed Wehliye oo ka hadlay kulanka ayaa sheegay waxyaabaha laga faa’iday.
“ Waxaan lagu heshiiyay Istaraatijiyad Qaran oo la horgeyn doono Guddiga Hagidda si loo ansixiyo. Waxaan u mahadcelinayaa Hay’adda Dhaqaalaha Afrika ee Qaramada Midoobay oo fududaysay qabsoomidda tababbarkaani naguna taageertay khubarro ku xeeldheer samaynta Istaraatijiyadaha Qaran ee lagu maamulo howlaha dad-dhigista.”
