Muqdisho 08 Oct 2023, Wasiirka Wasaaradda Arrimaha Gudaha, Federaalka iyo Dib-u-heshiisiinta XFS Mudane Axmed Macallim Fiqi ayaa ku wehliyay Ra’isul wasaaraha Xukuumadda Federaalka mudane Xamsa Cabdi Barre, Guddoomiya Aqalka sare mudane Cabdi Xaashi C/laahi, guddoomiyaha gobolka Banaadir ahna duqa Muqdisho Yuusuf Xuseen Jimcaale iyo mas’uuliyiin kale Munaasabadda khatinka iyo ducada marxuum Xaaji Cali Ugaas Cabdulle.
Qeybaha kala duwan ee bulshada ayaa sidoo kale goobjoog ka ahaa munaasabaddan khatinka ducada, taas oo malamahan ka socotay caasimadda Muqdisho.
Alle ha u naxariistee Marxuum Xaaji Cali Ugaas Cabdulle oo ku geeriyooday da’da 87 jirka ayaa lahaa taariikh dheer isaga oo soo noqday guddoomiyaha gobolka Banaadir.
