Muqdisho 18 Sept 2023, Agaasimaha Guud ee Wasaaradda Arrimaha Gudaha, Federaalka iyo Dib-u-heshiisiinta XFS Mudane Cayduruus Macallin Xasan ayaa furay Aqoon Isweedaarsi la xiriira Dimuqraadiyadeynta iyo Nabad Dhiska oo ay soo agaasintay Wasaaradda Arrimaha Gudaha, Federaalka iyo Dib-u-heshiisiinta XFS.
Aqoon isweedaarsiga la xiriira Arrimaha Dimuqraadiyadeynta iyo Nabad Dhiska ayaa loo qabtay Howl-wadeenno ka kala socda Wasaaradda Arrimaha Gudaha, Federaalka iyo Dib-u-heshiisiinta XFS, Guddiga Madaxabannaan ee Doorashooyinka Qaranka, Guddiga Madaxabannaan ee Xuduudaha, Wasaaradda Caddaalada iyo Arrimaha Dastuurka XFS, Xafiiska Raysal wasaaraaha XFS iyo Xafiiska Madaxwaynaha JFS.
Ugu Dambayn, Aqoon Isweedaarsigaan ayaa u jeedkiisu yahay in sare loogu qaado tayada howlwadeennada ka kala socdo Xafiisyada kala duwan ee Dowladda Federaalka oo ay u horrayso Wasaaradda Arrimaha Gudaha, Federaalka iyo Dib-u-heshiisiinta XFS, iyadoo sidoo kale tani ay ka mid tahay aragtida Wasiirka Wasaaradda Arrimaha Gudaha, Federaalka iyo Dib-u-heshiisiinta XFS Mudane Axmed Macallim Fiqi ee ku aaddan horumarinta Wasaaradda.
