Wasiir Fiqi Oo Kulan La Qaatay Danjiraha Sacuudiga ee Soomaaliya
Muqdisho Luulyo 09, 2023; Wasiirka Wasaaradda Arrimaha Gudaha, Federaalka iyo Dib-u-heshiisiinta XFS Mudane Axmed Macallin Fiqi ayaa kulan la qaatay Danjiraha Boqortooyada Sacuudi Carabiya u fadhiya Soomaaliya Danjire Axmed Bin Maxamed Al-Muwallad.
Labada dhinac ayaa ka wada hadlay xiriirka soo jireenka ah ee Walaalnimo iyo Islaanimo oo ka dhaxeeya Dowladda Federaalka Soomaaliya iyo Boqortooyada Sacuudiga, gaar ahaan arrimaha Dib-u-heshiisiinta, Xasilinta goobaha dhawaan lax oreeyay iyo dedaallada Nabad dhiska Soomaaliya iyo la dagaallanka Kooxaha Khawaarijta ee Argagixisada.
Ugu Dambayn, Wasiirka Wasaaradda Arrimaha Gudaha, Federaalka iyo Dib-u-heshiisiinta XFS Mudane Axmed Macallin Fiqi ayaa uga mahadceliyay Boqortooyada Sacuudiga taagerida iyo garab istaagga heeganka ula yeehaan shacbka iyo Dowladda Soomaaliya.
