- June 29, 2023
- Posted by: Xidig
- Categories: Banaadir, Kulamada, Wararka
Muqdisho Juun 29, 2023; Wasiirka Wasaaradda Arrimaha Gudaha, Federaalka iyo Dib-u-heshiisiinta XFS Mudane Axmed Macallin Fiqi oo ay wehlinayaan guddoomiyaha gobolka Banaadir ahna Duqa Muqdisho Shiekh Yuusuf Xuseen Jimcaale iyo taliyaha Booliiska Soomaaliyeed Sareeye Guuto Sulub Axmed Firin ayaa maanta shacabka reer Muqdisho kula ciidday Daarusalaam.
Socdaalkan oo sidoo kale lagu soo kormeerayay xaaladda amniga caasimadda ayaa waxaa qeyb ka ahaa qaar ka tirsan guddoomiye kuxigeennada gobolka Banaadir, guddoomiyeyaasha degmooyinka iyo hey’adaha kala duwan ee amniga oo ay ku jiraan ciidanka nabadda ka dhigay Muqdisho ee police militaire.
Wasiirka Arrimaha Gudaha mudane Axmed Macallim Fiqi iyo wufuudda la socotay waxxaa ay soo dhexqaadeen Daarusalaam iyaga oo la sheekeystay dadweynaha halkaasi u tagay ciidda iyo dalxiiska.
Ugu dambayn, Si dadweynaha Soomaaliyeed ay nabad ugu noolaadaan, xorna uga noqdaan cabsigelinta Khawaarijta, Police militaire iyo ciidamada kale ee dalka ayaa bilihii ugu dambeeyay si weyn u sugay amniga caasimadda iyaga oo baro badan ka sameystay inta u dhaxeysa Jazeera ilaa Balcad.disho.
