𝐖𝐚𝐬𝐚𝐚𝐫𝐚𝐝𝐝𝐚 𝐀𝐫𝐫𝐢𝐦𝐚𝐡𝐚 𝐆𝐮𝐝𝐚𝐡𝐚, 𝐅𝐞𝐝𝐞𝐫𝐚𝐚𝐥𝐤𝐚 𝐢𝐲𝐨 𝐃𝐢𝐛 𝐮 𝐇𝐞𝐬𝐡𝐢𝐢𝐬𝐢𝐢𝐧𝐭𝐚 𝐨𝐨 𝐮 𝐆𝐮𝐝𝐛𝐢𝐬𝐚𝐲 𝐑𝐚’𝐢𝐬𝐮𝐥 𝐖𝐚𝐬𝐚𝐚𝐫𝐚𝐡𝐚 𝐗𝐮𝐤𝐮𝐮𝐦𝐚𝐝𝐝𝐚 𝐅𝐞𝐝𝐞𝐫𝐚𝐚𝐥𝐤𝐚 𝗕𝗮𝗹𝗹𝗮𝗻𝗾𝗮𝗮𝗱𝗸𝗮 𝗤𝗼𝗿𝘀𝗵𝗲-𝗵𝗼𝘄𝗹𝗲𝗲𝗱𝗸𝗼𝗼𝗱𝗮 𝟮𝟬𝟮𝟯

Wasaaradda Arrimaha Gudaha, Federaalka iyo Dib u Heshiisiinta ayaa maanta u gudbisay Ra’iisul Wasaaraha Xukuumadda Federaalka Soomaaliya Mudane Hamza Cabdi Barre ballanqaadka qorshe-howleedka sanadka cusub ee 2023.

Qorshaha gudbintiisa waxaa sameeyey Wasiir ku-xigeenka arrimaha gudaha, federaalka iyo dib-u-heshiisiinta ahna ku-simaha Wasiirka, Mudane Cabdixakiim Xasan Ashkir iyada oo sidoo kale uu ku wehliyey agaasimaha guud ee Wasaaradda mudane Caydaruus Macallim Xasan Cabdulle.

Ra’iisul Wasaare Xamse ayaa ka dhageystay, isla markaana su’aalo muhiim ah ka weydiiyay masuuliyiinta wasaaradaha qorshooyinka hawleed iyo ballanqaadyada waxqabad ee ay soo bandhigeen kuwaas oo la doonayo in la fuliyo sanadka cusub ee 2023, iyada oo lagu saleynayo siyaasadda iyo barnaamijka xukuumadda #DanQaran.

Ra’iisul Wasaaruhu waxuu kula dardaarmay wasaaradda in la xoojiyo wadashaqaynta ka dhaxeysa hey’adaha kale ee dowladda, Isla-xisaabtanka iyo daahfurnaanta, si guulo wax ku ool ah looga gaaro arrimaha hortabinta u leh Xukuumadda.